Divinitaa inrabient

Quest articol chì l'è scrivuu in lombard, grafia milanesa.

Ind el buddhesim, i divinitaa inrabient (tibetan: trowo, sanscret: krodha) hinn di formi, o aspett, o manifestazion bestiaj, invers, terrifegh o propri indiavolent de di buddha inluminaa, bodhisattva (sant) o deva (creatur divinn). Per i sœu podè strasordenari de destruvà tucc i ostacoj ins la via che la menna a l’inluminazion, a ghe disen ancasì krodha vighnantaka, “i destrugon bestiaj dij ostacoj”.^[1] I divinitaa inrabient hinn vunna di carattaristegh pussee notabel de l’iconografia del buddhesim Mahāyāna e Vajrayāna.

Quella fatta chì de dia la compariss per la primma vœulta in India ind el secol quell de 6. A l’inizzi se concentraven prenzipalment ins la figurazion di yakṣa – dij elf, fad o spiret de la natura – e a hinn vegnuu pœù ona carattaristega central del buddhesim tantregh indian invers la fin del secol quell de 10 e l’inizzi de quell de 11.^[2]

1. ↑ Linrothe, Rob. Ruthless Compassion: Wrathful Deities in Early Indo-Tibetan Esoteric Buddhist Art, 1999, page 12.
2. ↑ Linrothe, Rob. Ruthless Compassion: Wrathful Deities in Early Indo-Tibetan Esoteric Buddhist Art, 1999, page x, 12.